新民黨主席葉劉淑儀最近喺立法會大會講「如果我有黨員有婚外情，我絕不姑息」。據了解新民黨的確有至少2個黨員，因為涉嫌有婚外情，被勒令退黨。

立法會大會今個星期三辯論「守護本港一夫一妻、一男一女的婚姻制度」議員議案，葉劉突然話作為女性最反對婚外情，仲揚言唔會容忍黨員有婚外情。據了解新民黨之前有一位男黨員同女黨員分別捲入婚外情，兩人都應葉劉要求而退黨。

何敬康指「所有地球人都不應有第三者」

新民黨立法會議員都好支持葉劉嘅睇法，當中何敬康更加表明係議員又好、作為香港市民都好，甚至「所有地球人都唔應該有第三者」，強調自己絕對唔會犯呢種錯。

原文刊登於 AM730 https://www.am730.com.hk/本地/葉劉指若黨員有婚外情絕不姑息-據悉新民黨有人因外遇退黨-ray-online/532934?utm_source=yahoorss&utm_medium=referral